Ish-deputeti i PD-së, Agron Shehaj, ka folur rreth skandalit me firmën e ndërtimit tek Unaza e Re.
I ftuar në emisionin “Opinion”, Shehaj tha se atij i janë dashur vetëm 2 minuta dhe 3 dollarë për të zbuluar mashtrimin me firmën “DH Albania”. Shehaj u përfshi në një debat me ish-ministrin e Financave, Arben Ahmetaj, duke iu drejtuar se mazhoranca u kap duke vjedhur tek Unaza e Re.
Pjesë nga debati:
Agron Shehaj: Tek unaza e madhe cili ishte institucioni që ndoqi procedurat?
Arben Ahmetaj: Ja po ta jap unë institucionin. Ça rezultoi me Unazën e Madhe? U anulua? Si ka mundësi që oligarku në thonjëza u rrëzua? Domethënë shteti, qeveria, ministri i atëhershëm Damian Gjiknuri, e anuloi në minutën 1 që u mor vesh e vërteta. Ministri dhe ministria nuk kanë dot instrumente që të verifikojnë një falsifikim në SHBA. Kur ai falsifikim del, reagimi ishte i menjëhershëm. Po të ishte oligarku ai që kishte vendosur ministrin, ajo nuk rrëzohej.
Agron Shehaj: U kapët duke vjedhur. I dhatë një tender një 26-vjeçari…
Arben Ahmetaj: Lërë popullzimin, populizmi është kolerë moderne.
Agron Shehaj: As letrat nuk i kishte bërë…kush i gjeti faktet, ti apo Gjiknuri? Se mua 2 minuta dhe 3 dollarë mu deshën për të gjetur se gjithçka ishte një mashtrim..
Arben Ahmetaj: U rrëzua si procedurë? A, po të mos ishte rrëzuar, do vije do thoshe këtu se po e kanë kapur oligarkët.
