E shtunë, 12 Qershor, 2021
27.5 C
Tirana

Shefi i OKB-së kërkon nga Izraeli dhe palestinezët të ndalin dhunën

Sekretari i përgjithshëm i Kombeve të Bashkuara, Antonio Guterres, tha se dhuna midis Izraelit dhe palestinezëve duhet të ndalojë menjëherë.

“Forcat izraelite të sigurisë duhet të ushtrojnë përmbajtje maksimale dhe të kalibrojnë përdorimin e forcës”, tha Guterres përmes një deklarate për media.

“Hedhja e raketave dhe mortajave drejt zonave të populluara të Izarelit është e papranueshme”, shtoi ai.

“Kombet e Bashkuara po punojnë me të gjitha palët përkatëse për të qetësuar urgjentisht situatën”, tha Guterres.

Së paku 30 njerëz raportohet të jenë vrarë në dhunën midis Izraelit dhe militantëve islamikë të Hamasit, që është intensifikuar mbrëmjen e kaluar.

Në mesin e viktimave thuhet të jenë së paku dhjetë fëmijë.

Autoritetet shëndetësore në Gaza – rajon që kontrollohet nga grupi militant i Hamasit – thanë se mbi 120 njerëz u plagosën, shumica nga sulmet ajrore izraelite.

Ushtria e Izraelit tha se së paku 16 të vrarë ishin militantë.

Militantët e Gazës, ndërkohë, hodhën qindra raketa drejt Izraelit, duke vrarë dy civilë izraelitë dhe duke plagosur së paku 10 të tjerë.

Hamasi tha se po vepron për të mbrojtur xhaminë Al-Aqsa të Jerusalemit nga “agresioni” i Izraelit.

Ditëve të fundit, lokacioni ku ndodhet kjo xhami, që është një vend i shenjtë si për myslimanët, ashtu edhe për hebrenjtë, ka parë përleshje të rënda midis policisë izraelite dhe palestinezëve, të cilat kanë lënë qindra njerëz të plagosur.

Bregu Perëndimor po ashtu ka qenë skenë e dhunës.

Kryeministri i Izraelit, Benjamin Netanyahu, tha se Hamasi “ka kaluar vijën e kuqe” duke hedhur raketa në drejtim të Jerusalemit dhe se vendi i tij do të përgjigjet “me forcë të madhe”.

“Qysh dje, ushtria ka kryer qindra sulme kundër Hamasit dhe Xhihadit Islamik në Gaza… dhe ne do ta intensifikojmë më tej fuqinë e sulmeve tona”, tha Netanyahu në një video të lëshuar nga zyra e tij.

Lexo edhe :   Shqipëria anëtare e përkohshme e Këshillit të Sigurimit, reagojnë Rama dhe Meta
Lexo edhe :   Shqipëria anëtare e përkohshme e Këshillit të Sigurimit, reagojnë Rama dhe Meta

Ai shtoi se Hamasi “do të goditet në mënyra që nuk i pret”./REL/

- Reklama -

Më shumë nga kategoria




Të fundit

Ushtarët e Antikrimit s’mund t’i hidhen krimit

Nga: Preç Zogaj Drejtësia e re me bashkautorësi amerikane dhe europiane, në konceptim dhe zbatim, të cilën unë e kam mbështetur e do të vazhdoj...

Asisti i Shaqirit nuk mjafton, Zvicra ndalet nga Uellsi (Video)

Përfundon ndeshja e dytë e kampionatit europian ''EURO 2020''. Ndeshja e vlefshme për grupin A, midis Uellsit dhe Zvicrës është mbyllur në barazim, me...

Zgjedhje për kreun e ri/ Gjana: Komisionerët e kandidatëve vetëm nga degët e PD

Komiosionerët e çdo kandidati për kryetar në PD duhet të jenë anëtarë të degës përkatëse të PD-së ku do propozohen për këtë proces. Ka...

Asnjë viktimë nga koronavirusi, 12 raste të reja në 24 orët e fundit

Situata epidemiologjike në vendin tonë paraqitet e qëndrueshme. Në 24 orët e fundit, janë regjistruar 12 raste të reja me Covid-19, nga 2.916 testime...

”Shpresoj të mos jetë si Trump”/ Putin flet për Biden para takimit në Gjenevë

Presidenti i Rusisë, Vladimir Putin shpreson se homologu i tij amerikan, Joe Biden, do të jetë më pak impulsiv se paraardhësi i tij, Donald...