USAID/Albania i ka dorëzuar sot Institutit të Shëndetit Publik 29 mijë teste për koronavirus.
Lajmin e ka bërë të ditur ambasada amerikane, përmes një postimi në Facebook. Në njoftim thuhet gjithashtu se që nga shpërthimi i pandemisë, SHBA ka angazhuar më shumë se 1.5 miliard dollarë ndihma me qëllimin për të luftuar virusin.
“USAID/Albania dorëzoi 29,000 komplete testimi në Institutin e Shëndetit Publik, si pjesë e ndihmës së Shteteve të Bashkuara për Shqipërinë, në përgjigje të pandemisë së COVID-19. Që nga shpërthimi i pandemisë, qeveria e Shteteve të Bashkuara të Amerikës ka angazhuar më shumë se 1.5 miliard dollarë ndihmë nëpërmjet Departamentit të Shtetit dhe USAID, posaçërisht me qëllimin për të luftuar pandeminë”, thuhet në mesazhin e ambasadës.
