Ambasadorja e SHBA, Yuri Kim, ka reaguar menjëherë pas manifestimit të thirrur nga Meta, i cili në një moment ngre lartë edhe flamurin amerikan.
Me një shënim në Twitter, ambasadorja shkruan se SHBA nuk ka asnjë lidhje me manifestimin e sotëm.
“U befasova kur pashë flamurin amerikan në “manifestimin” e sotëm. Për të shmangur çdo konfuzion, ne dëshirojmë të sqarojmë se ndërsa SHBA mbështet të drejtën e protestës paqësore, ne nuk kemi asnjë lidhje me “manifestimin” e sotëm”, shkruan ambasadorja e SHBA.
Meta ka firmosur këtë pasdite gjatë manifestimit në bulevardin “Dëshmorët e Kombit”, dekretin që kthen ligjin për betimin e anëtarëve të Gjykatës Kushtetuese, duke paralajmëruar edhe dekretin për shpërndarjen e Parlamentit.
