Bota

SHBA dhe NATO premtojnë unitet në trajtimin e sfidave


               Publikuar në : 19:21 - 19/11/19 M D

Shtetet e Bashkuara dhe NATO-ja premtuan unitet në trajtimin e sfidave, përfshirë luftën kundër terrorizmit, kërcënimet në internet dhe forcimin e sigurisë së energjisë, shtatë dekada pas vendosjes së partneritetit ndëratlantik.

Sekretari amerikan i Shtetit Mike Pompeo niset të martën në Bruksel për të marrë pjesë në një takim të ministrave të jashtëm të NATO-s dhe për t’u takuar me aleatët kryesorë të saj.

Sipas Departamentit të Shtetit, “Sfidat e reja të sigurisë dhe kërcënimet si terrorizmi dhe siguria e energjisë” do të kryesojnë agjendën e bisedimeve të Pompeo përpara takimit të udhëheqësve të NATO-s në Londër në muajin dhjetor, shkruan “Voa”.

Sekretari i Përgjithshëm i NATO-s Jens Stoltenberg i tha javën e kaluar “Zërit të Amerikës” se “Bota jeton sot në një kohë krejtësisht të re ku ka terrorizëm, ku balanca e forcës po ndryshon në shkallë globale.”

Të gjithë aleatët e NATO-s janë pjesë e Koalicionit Global për të mposhtur ISIS-in, i përqendruar te grupi terrorist Shteti Islamik.

Ratifikimi i protokollit për në NATO/ Pendarovski falenderon në shqip SHBA-në

SHBA miraton protokollin për anëtarësim të Maqedonisë së Veriut në NATO

 

Kthehu
WhatsApp Denonco ne TT