Një tjetër shqiptarë plagoset në burgun famëkeq grek, atë të Koridhalos. Mësohet se pas një sherri 27-vjeçari shqiptar është plagosur pasi është goditur me kabllo nga të burgosurit e tjerë.
Mediat greke shkruajnë se incidenti ka ndodhur sot në mëngjes në krahun D, të burgut dhe i plagosur ka mbetur një 27 vjeçar shqiptar, i cili ishte sjellë në burg nën akuzën e drogës.
Bashkë me të është dhunuar edhe një i burgosur grek, 33 vjeçar i arrestuar për grabitje dhe vjedhje.
Një grup të burgosurish, i kanë goditur dy të rinjtë me kabllo. Dy të burgosurit e lënduar u dërguan fillimisht në spitalin e burgut dhe më pas në një spital të jashtëm për mjekime të specializuar.
Koridhalos është burgu që ka marrë më shumë jetë shqiptarësh në shtetin fqinj, pavarësisht se vetëm pak muaj më parë një tjetër shqiptar, Albert Bako u masakrua me thikë deri në vdekje, siguria në burg akoma nuk është rritur.
