Aktivisti Aulon Kalaja shprehet se nga samiti i “Shengenit Ballkanik” po përpiqet të mbahet e fshehtë e drejta e qytetarëve serbë për të blerë prona në bregdetin shqiptar.
I ftuar mbrëmjen e kësaj të hëne në emisionin “360 Gradë”, Kalaja theksoi se aleatët strategjikë të shqiptarëve janë “Uashingtoni dhe Brukseli, jo Moska dhe Beogradi”.
“Serbia prodhon deri te automjetet, ne nuk prodhojmë asgjë. Ka oligarkë më të mëdhenj se Shqipëria, tregun e hidrokarbureve. Ajo që fshihet nga ky minishengen është e drejta e serbëve për të blerë toka në bregdet, pse nuk e thotë kryeministri? Do të kemi serbë që do të vinë. Kanë kapacitete më të mëdha ekonomike, ne çfarë masash marrim? Kush është zoti Rama që merr peng aspiratat e një vendi? Për shqiptarët dielli lind në perëndim dhe aleatët strategjikë të shqiptarëve janë Uashingtoni dhe Brukseli dhe jo Moska dhe Beogradi”, deklaroi Kalaja.
