Presidenti i Serbisë, Aleksandar Vuçiç, ka shfaqur probleme me shëndetin, e për rrjedhojë ka anuluar takimet që i kishte programuar më herët. Ai sot kishte takime me ambasadorët e Rusisë dhe Kinës në Beograd. Mjekët i kanë sugjeruar presidentit që të pushonte, për të rimarë energjinë e duhur.
Lajmin e ka bërë të ditur Suzana Vasiljevic, këshilltare për media e Presidentit të Serbisë.
“Shëndeti i presidentit nuk ishte i mirë, kurse Ursula von der Leyen (Presidentja e Komisionit Evropian) arrin nesër mbrëma, kurse pasnesër bashkë me të jemi në Nish, ku do të shënojmë fillimin e punës në korridorin e ri hekurudhor.
Pas kësaj ne shkojmë në Dubai dhe problemet e përditshme në Kosovë, kështu që ai duhej të pushonte pak. Kështu që ne vendosëm, respektivisht mjekët i sugjeruan që ai të pushojë për një kohë dhe të bëjë një pushim”, tha Vasiljevic në emisionin e mbrëmjes të Euronews.sr.
Suzana Vasiljevic ka sqaruar se presidenti nuk ka asgjë për tu shqetësuar, por është thjeshtë çështje lodhje.
“Është vetëm çështje lodhjeje”, tha këshilltarja e presidentit.
