Përpos masave lehtësuese që do aplikohen nga e hëna lidhur me situatën nga koronavirusi, raportohet se edhe Kuvendi do të nisë punimet.
Seanca e radhës e Kuvendit do të mbahet në datën 16 prill. Ka qenë Taulant Balla, i cili u ka dërguar mesazh deputetëve të mazhorancës, mbi detajet e seancës.
Mësohet se deputetët do të jenë të vendosur në distancë nga njëri-tjetri. Ata do të ulen sipas një plan vendosje të hartuar nga sekretaria. Po kështu, seanca do të zgjasë vetëm dy orë.
