Ish-kryeministri Sali Berisha ka njoftuar protestuesit që të shpërndahen, për tu kujdesur për të plagosurit gjatë përleshjes në seli. Berisha ka nënvizuar se kjo protestë nuk do të ndalet me kaq, pasi do të vijojnë betejën deri në fitore të plotë.
“Kjo protestë ju faktoi shqiptarëve fytyrën e vërtetë të regjimit të sotëm. U faktoi në mënyrë përfundimtare se Edi Rama mban peng Lul Bravën, dhe bashkë me të mban me dhunë dhe terror selinë e PD-së.
Ky përbën një akt të pashembullt në 30 vite. Sot ne do shpërndahemi. Sepse janë vërsulur si bisha për të mbushur komisariatet. Do kujdesimi për të plagosurit që janë goditur, me çarje koke dhe në forma të tjera. Do njoftojmë shumë shpejt betejën tjetër, të cilat nuk ndalet kurrë deri në fitore të plotë”, tha Berisha.
“Ju ftoj ta mbyllim këtë protestë këtu, për ta vazhduar në mënyrën më absolute me forma edhe më të fuqishme se sa kjo sot”, tha ish-kryeministri.
