Një mjet detar i tipit Veljere me emrin “ Sea Shell” me flamur Amerikan me tre persona në bord, i cili vinte nga Dubrovniku – Kroaci për në Sarandë ka pësuar defekt.
Kapitaneria njoftoi QNOD- në dhe në mënyrë urgjente dolën dy anije të rojës bregdetare të cilat bënë të mundur shpëtimin dhe rimorkimin e tyre deri në portin e Sarandës, duke shpëtuar edhe personat e gjetur në bord.
Lidhur me ngjarjen ka reaguar edhe Ministria e Mbrojtjes, e cila zbulon se tre personat e gjendur në bordin e anijes ishin me nënshtetësi izraelite.
“Velera Sea Shell me flamur Amerikan, nisur nga Dubroniku me destinacion Sarandën, duke lundruar në hyrje të Kanalit të Korfuzit pësoi defekt në motorra dhe dha sinjalin e emergjencës.
Me marrjen e njoftimit Roja Bregdetare angazhoi motovedeten P-03 dhe P-05 te Flotes Detare. Pas renies ne kontakt velera u rimorkiua per ne portin e Sarandes duke bere te mundur shpetimin e velieres dhe tre personat ne borde, te tre me nenshtetesi izraelit: Kapiten Tsafrir Lederman dhe ekujpazh Moshe Navot dhe Liana Navot”, shkruan në njoftim MM.
