E shtunë, 31 Korrik, 2021
25.5 C
Tirana

Samiti i Sofjes, Spanja bllokon punimet. Shkak Kosova

Në samitin e përbashkët të Bashkimit Europian me vendet e Ballkanit Perëndimor, që do të zhvillohet gjatë muajit maj në Sofje të Bullgarisë ishte parashikuar që të dilej me një deklaratë të përbashkët, shkruan B92. 

Plani fillestar, sipas mediave spanjolle, ishte që deklarata të nënshkruhej edhe nga vendet kandidate dhe potencialisht kandidate për anëtarësim.

Por, kjo ide është kundërshtuar nga Madridi dhe shkak për këtë është bërë Kosova. “El Pais” thotë se Kryeministri Mariano Rajoy e refuzoi këtë me arsyetimin se nuk “dëshiron që të hedhë firmën e tij në të njëjtin dokument ku do të firmosin edhe udhëheqësit e territoreve që Spanja nuk i njeh si shtete”.

Megjithatë, si Bullgaria, që mban Presidencën e radhës të BE-së, ashtu edhe Brukseli mohuan që Spanja të kishte vendosur një veto të tillë, duke deklaruar se që në fillim ishte vendosur që deklarata e përbashkët të firmosej vetëm nga vendet anëtare të Bashkimit Europian.

Ndërkohë, Rumania, Greqia, Qipro dhe Sllovakia, katër vendet e tjera që së bashku me Spanjën përbëjnë pesë anëtaret e BE-së që nuk njohin Kosovën, “kishin shprehur gatishmërinë e firmosjes së një teksti të përbashkët, nëse Spanja do ta bënte këtë”.

Agjencia serbe e lajmeve, Tanjug thotë se në tekstin e shpërndarë nga Sofja tek vendet e Ballkanit Perëndimor për këshillim të deklaratës përfundimtare nuk përmendej fjala “shtete”, por “partnere” dhe këtë fakt në Serbi e interpretojnë si përpjekje për kompromis me anëtaret e BE-së që nuk njohin pavarësinë e Kosovës.

Lexo edhe :   Si duket Serbia…
- Reklama -

Më shumë nga kategoria




Të fundit

SHBA sanksionon më shumë zyrtarë kubanë për shtypjen e protestave

Administrata e Presidentit Biden ka vendosur sanksione ndaj forcave policore të Kubës dhe dy udhëheqësve të saj pas protestave të fundit në vendin ishull...

Maqedonia e Veriut mund të rekomandojë dozën e tretë të vaksinës

Maqedonia e Veriut nuk e përjashton mundësinë e aplikimit të dozës së tretë të vaksinës kundër koronavirusit pasi, siç tha ministri i Shëndetësisë, Venko...

Izraeli akuzon Iranin për sulmin vdekjeprurës në cisternat e naftës

Izraeli ka akuzuar Iranin se qëndron pas një sulmi ndaj një cisternë nafte në të cilën u vranë dy anëtarë të ekuipazhit, një shtetas...

Pranoi plagjiaturën, bie popullariteti i kandidatit për kancelar në Gjermani

Kandidati potencial për të zvendësuar Kancelaren Angela Merkel, në Gjermani Armin Laschet ka kërkuar falje pasi ka përdorur plagjaturë në librin e tij. Laschet, në...

Manaj i pafat, portieri i Shtutgartit i mohon golin e radhës me Barçën (Video)

Rei Manaj e nisi nga stoli miqësoren e sotme që Barcelona luajti në Gjermani kundër rivalëve të Shtutgartit. Sulmuesi shqiptar u aktivizuar vetëm në minutën...