Liderët e Ballkanit Perëndimor kanë mbajtur një takim virtual, i cili u organizua nga Këshilli Atlantik.
Samiti i liderëve të Ballkanit Perëndimor kishte në fokus bashkëpunimin rajonal ekonomik, për të dalë nga ndikimi shkatërrues që pati pandemia e COVID-19.
Gjatë fjalës së tij në këtë Samit, kryeministri Rama theksoi se të gjithë duhet të bashkëpunojnë për të dalë nga situata e krijuar.
Sipas tij, duhet një plan praktik ekonomik rajonal i implementuar dhe monitoruar nga gjithë liderët e Ballkanit por duke përfshirë edhe partnerët ndërkombëtarë.
“Secili prej nesh është goditur në mënyra të ndryshme. Disa me fragmente, disa me ndryshime. Në këto kushte mund të kompensohemi me më shumë dhe më shpejt bashkëpunim. Por jo të ripërsërisim çfarë kemi përsëritur për vite. Është e rëndësishme ta bëjmë këtë edhe unë angazhohem, i ftoj të gjithë kolegët ta mirëpresin këtë dhe mbështes këdo që e ka thënë këtë. Aq lehtë sa e bëjmë kur jemi te Këshilli Atlantik, ky format është shumë i lehtë. Nëse ju këshilli Atlantik dhe të tjerët që janë prezent, BE, etj, nëse do të na bashkoheshit do të ishte më shumë ndihmë, që të ecim më shpejt dhe nuk duhet të dëgjojmë politizimin që i bëhet këtij procesi, sepse kurrë nuk ka ndihmuar për njerëzit. Duhet ta kalojmë këtë periudhë pandemie se së bashku. Duhet ta kalojmë këtë situatë, sepse po presim për popujt dhe liderët që të japin rezultate pavarësisht feja, prejardhja, ngjyra etj”, tha kreu i qeverisë.
