Kandidati për deputet në listën e PD në qarkun e Korçës, Ervin Salianji ka folur për veprimet që do të bëjë opozita pasi ka humbur në zgjedhjet e 25 prillit, rezultatin e të cilave e cilëson si “masakër zgjedhore”.
I ftuar në emisionin “Open”, Salianji theksoi se do të merren me procese ligjore ndaj nuk dihet ende se cfarë vendimi do të marrë opozita.
Ervin Salianji: ”Ne do e ankimojmë nga pikëpamja ligjore. Do e ankimojmë në të gjitha instancat, në KQZ, në KAS, në Kolegj Zgjedhor pastaj duke marrë të gjithë pjesën e dokumentacionit, të pamjeve filmike, të gjitha procesit.
Ne do bëjmë gjithçka nga pikëpamja ligjore dhe nëse nuk funksionon, pa diskutim që do marrim vendime hap pas hapi. Jemi akoma pa përfunduar procesin, ju thoni çfarë do bëjë opozita.”
