Zëdhënësi i Presidentit të Republikës, Tedi Blushi ka reaguar lidhur me deklaratën e bërë ditën e sotme nga Rudina Hajdari, teksa e cilësoi të turpshme faktin që Meta nuk bëri asnjë tentativë të takonte asnjë deputet të opozitës në Parlament.
“Sa turp! Presidenti jonë takohet me nënkryetarin e LSI-së dhe ish nëpunësin e tij se nuk takon dot gruan e tij si kryetare e LSI-së, ndërkohë nuk ka bërë asnjë tentativë për tu takuar me asnjë deputet të opozitës brenda Kuvendit të Shqipërisë dhe pretendon se është i paanshëm”, shkruan deputetja në “Twitter”.
Ndërkohë, Blushi shfaqet i zhgënjyer, pasi sipas tij, Hajdari nuk po e respekton “heshtjen zgjedhore”.
“I zhgënjyer shumë që Rudina nuk po e respekton “heshtjen zgjedhore” të partisë së saj të re që shkon nesër në votime. Megjithatë e mirëkuptojmë për shpërdorimin që i bën mbiemrit Hajdari, të paktën derisa t’i kalojë mami Vettingun”, shkruan ai.
