Intervistoi Marsela Sinani
Tërmeti i 26 nëntorit nxori zbuluar se kush ishin ndërtesat më rezistente, por edhe domosdoshmërinë e ndryshimeve cilësore në procesin e ndërtimit. Teksa shumë inxhinierë apelojnë që të hiqet nga përdorimi kodi shqiptar i ndërtimit i vitit ‘89 dhe të bëhet detyrim ligjor përdorimi i Eurokodeve, me mjaft rëndësi është dhe se çfarë do të bëhet në të ardhmen.
Gjatë viteve të fundit, në fushën e ndërtimit në vendin tonë janë shënuar një sërë ndryshimesh. Për t’iu përgjigjur kushteve dhe nevojave të vendit tonë, është i nevojshëm zëvendësimi i Kushteve Teknike të Projektimit ekzistues.
Zbatimi i Eurokodeve do të sjellë përmirësimin e metodave të projektimit për veprat e ndërtimit, ç’ka do të ndikojë dhe në përmirësimin e cilësisë së zbatimit të punimeve dhe kontrollit të tyre, në plotësimin e kërkesave për sigurinë. Po çfarë janë Eurokodet? Sizmologu Llambro Duni ka shpjeguar në detaje për mikrofonin e “Tirana Today”.
Qeveria ka bllokuar të gjitha lejet e ndërtimit në qarqet e prekura nga tërmeti. Në çdo Bashki që ka dëme nga tërmeti, nuk do të pranohen aplikime të reja për leje ndërtimi. Në këtë mënyrë Qeveria ka ndaluar ndërtimin e çdo pallati apo kompleksi banimi në qarqet Tiranë, Durrës dhe Lezhë. Lidhur me masat e ndërrmara, dhe për ata persona të cilët nuk zbatojnë ligjin, sizmologu Duni e ka një përgjigje.
TIRANA TODAY
