Çdo batutë ose ironi nga ana e kryeministrit Rama, presidenti ia kthen me të njëjtën monedhë. Kryeministri Rama ka ironizuar tubimin që pritet të mbajë presidenti Ilir Meta në 2 mars.
Rama gjatë prezantimit të projektit të rindërtimit pas tërmetit të 26 nëntorit, ka theksuar se presidenti e ka shtëpinë më shumë se një shtëpi.
“Presidenti e ka shtëpinë më shumë se një shtëpi. Unë jam këtu për ata që jetojnë në çadra apo jetojnë në shtëpitë e të tjerëve. Për ata jam unë këtu, jo thjesht në këtë konferencë, por në të gjitha orët e ditës time me gjithë natën. Kështu që ua kam lënë juve çështjen e presidentit, është luks i madh për mua të merrem”, tha Rama.
Qëndrimi i Ramës nuk ka shkuar në vesh të shurdhër, pasi një kundërpërgjigje ka ardhur në kohë reale nga ana e zëdhënësit të Metës. Me anë të një postimi në Facebook, ai shkruan:
“Lajmërojeni gruan e Bilalit se Presidenti ka vetëm një shtëpi: Shqipërinë. Sa shtëpi ka gruaja e Bilalit pyeteni vetë”.
