Me shumë gjasa mund të keni dëgjuar që ne njerëzit përdorim vetëm 10 për qind të trurit tonë. Këtë mund ta keni dëgjuar nga mësuesit apo nga filmat. Por, si shumë gjëra, edhe ky është një pretendim që nuk bazohet shumë tek të dhënat shkencore.
E vërteta është se ndërsa nuk ka asnjë kufizim të njohur mbi atë që mund të bëjë truri ynë, ka raste kur në fakt njeriu përdorur 100 për qind të fuqisë të trurit të tij. Sikurse është shpjeguar nga “Scientific American”, bëhet fjalë jo për përdorimin e të gjitha pjesëve të trurit në të njëjtën kohë, por gjatë një dite.
Dhe kjo sepse shumica e asaj që ju bëni, pavarësisht se mund të duket e pabesueshme, kërkon shumë më shumë nga truri juaj sesa mund ta mendoni. Rutinat e përditshme, si pirja e kafesë në mëngjes, aktivizojnë në pak sekonda pjesë të ndryshme të trurit.
Ngritja dhe përgatitja e një kafeje për veten, aktivizon, ndez lobet okcipitale dhe parietale, kortikalet motorike-shqisore, ganglionet bazale, trurin e vogël dhe lobet frontale”, thotë “Scientific American”.
Dhe nëse kërkon kaq shumë fuqi celebrale bërja e një filxhani kafe, imagjinoni sa më shumë fuqi mendore kërkon diçka vërtet më e komplikuar, si për shembull të kuptuarit e një leksioni në shkollë apo shkrimi i një raporti në punë. Shkencëtarët thonë se nuk është e drejtë të thuhet se 90 për qind e trurit tonë nuk ka rëndësi, pasi të gjitha pjesët e trurit hyjnë në punë.
Atëherë si lindi ky mit?
Studiuesit tregojnë burime të ndryshme të këtij miti. Por ai lidhet më shpesh me librin e psikologut Uilliam Xhejms “Energjitë e njerëzve” botuar në vitin 1907. Në atë ese, Xhejms argumentoi se ne përdorim vetëm një pjesë të vogël të mendjes sonë dhe burimeve tona fizike.
Disa njerëz ia atribuojnë këtë idenë Albert Ajnshtajnit, që ishte natyrshëm më i zgjuar se ne të tjerët. Të tjerë ia atribuojnë këtë mit neurokirurgut Uajlder Penfilld, që eksperimentoi me pjesë stimuluese të trurit për të trajtuar sëmundjen e epilepsisë.
Pavarësisht autorit dhe burimit, ky mit aq shumë terren, sa një sondazh i vitit 2013 i sponsorizuar nga Fondacioni “Michael J.Fox” për studimin e sëmundjes së Parkinsonit, tregoi se 65 për qind e amerikanëve e besojnë këtë pretendim.
Një rol luan edhe kultura pop. Për shembull, kini parasysh filmat ku përdoren fuqitë psikike. Shumica e këtyre, e shpjegojnë zhvillimin e aftësive psikike me shfrytëzimin e më shumë pjesëve të trurit tonë. Një nga shembujt më të bujshëm është filmi i vitit 2014 “Lucy”.
Në atë film, Lusi (e interpretuar nga aktorja e njohur Skarlet Johanson), pi një ilaç që zhbllokoi përdorimin e më shumë zonave të trurit të saj. Ajo fillon të lexojë mendjet e njerëzve, të kontrollojë TV. Dhe kur arrin të përdorë 100 për qind të trurit depërton në ndërgjegjen e njerëzve dhe hyn në një kompjuter.
Një studim përdori skanerin MRI për t’i dhënë përgjigje kësaj pyetje
Fatkeqësisht, edhe nëse përdorni më shumë se 10 për qind të trurit tuaj, kjo nuk do të thotë se do të filloni të keni aftësi super të veçanta. Shkencëtarët kanë matur se sa fuqi përdor truri, kur njerëzit bëjnë disa aktivitete. ”Healthline” vuri në dukje se studiuesit vëzhguan aktivitetin e trurit përmes një imazhi me rezonancë magnetike (MRI).
Ata u kërkuan njerëzve të shohin foto apo bëjnë ushtrime të caktuara, dhe studiuan se cilat pjesë të trurit aktivizohen kur kryejnë ato funksione. Ajo për të cilën shkencëtarët mund të bien dakord në përgjithësi, është se ne nuk e kuptojmë ende plotësisht trurin tonë.
Në përgjithësi, ne kemi njohuri mbi neuronet. Por mbi qelizat gliale që mbështesin neuronet? Cili është funksioni i tyre? Shkencëtarët nuk e dinë as se nga vjen vetëdija jonë. Ne e dimë që njerëzit përdorin shumë më shumë se 10 për qind të kapacitetit të plotë të trurit, por shkencëtarët po përpiqen të kuptojnë më shumë se si funksionon truri, dhe cili mund të jetë potenciali i tij i plotë.
Burimi i lajmit: https://www.grunge.com/262165/what-percent-of-your-brain-do-you-really-use/
Përshtatur nga TIRANA TODAY
