Rusia të shtunën regjistroi 1.000 vdekje në një ditë të vetme për herë të parë, që kur filloi pandemia. 222.000 vdekjeve nga Covid është më e larta në Evropë, me 33.000 infeksione të tjera të raportuara të shtunën.
Qeveria ka shmangur vendosjen e kufizimeve të rrepta, sepse thotë se duhet të mbajë ‘ekonominë në punë’. Këtë javë, zëdhënësi Dmitry Peskov tha: “Në një situatë ku infeksionet po rriten, është e nevojshme të vazhdojmë t’u shpjegojmë njerëzve se ata duhet të vaksinohen”. “Eshtë vërtet e papërgjegjshme të mos vaksinohesh. Kjo vret”, tha ai. Qeveria këmbëngul se sistemi shëndetësor nuk është mbingarkuar, dhe mund të përballojë numrin në rritje të pacientëve.
Sidoqoftë, Ministri i Shëndetësisë Mikhail Murashko, u bëri thirrje mjekëve që kishin lënë praktikat për shkak të frikës së Covid, që të vaksinohen dhe të kthehen në punë.
Rusia nuk ka qenë e ngadaltë në procesin e bërjes së vaksinave. Sputnik V doli në qarkullim vitin e kaluar. Por duket se qytetarët nuk janë të bindur për të bërë vaksinën.
Burimi i lajmit: BBC. Përshtatur nga Tirana Today
