Rushaj: Do të ketë surpriza të pakëndshme për kundërshtarët

Kandidati për deputet i Partisë Demokratike, Alfred Rushaj deklaroi se në vijueshmëri të procesit të numërimit do të ketë surpriza, të cilat sipas tij do të jenë të pakëndshme për kundërshtarët.

Në një prononcim të shkurtër për mediat nga selia e PD, Rushaj i bëri thirrje çdo numëruesi, komisioneri dhe vëzhguesi që të mos tjetërsojnë vullnetin e qytetarëve.

Alfred Rushaj: ”Siç ju kemi thënë që në fillim, numërimi i çdo vote do të konfirmoj vullnetin e shqiptarëve për Ndryshim. Sot, pamë konkretisht se si dy vende u rikuperuan, vende deputetësh. Vazhdimi i numërimit do të ketë të tjera surpriza të pakëndshme për kundërshtarët tanë. Prandaj jam këtu sot për t’u bërë thirrje çdo komisioneri, çdo vëzhguesi, çdo numëruesi të cilës do parti, mos tjetërsoni vullnetin e qytetarëve shqiptar për ndryshim. Ata kanë votuar për ndryshimin, ata presin ndryshimin dhe ne do ju sjellim ndryshimin. Faleminderit! Natën e mirë! Kalofshit mirë!”