Deputetja e PD-së, Rudina Hajdari, marrë shkas nga fjala e kryeministrit Rama në Kuvend, kërkoi që ti jepet fund këtij ngërçi që ka kapluar vendin.
Duke kërkuar që në Parlament të mos bëhen batuta, por të flitet me fakte konkrete se çfarë duhet të bëhet për vendin, znj. Hajdari nënvizoi se nuk mund të shkohet në zgjedhje duke bojkotuar.
“Këta politikanë që janë në këte sallë, jo të gjithë, shumica e këtyre politikanëve nuk kanë bërë asgjë për Shqipërinë. Ata janë arsyeja pse jemi këtu, të dalësh e të flasësh përralla me mbret, të japësh batuta që qeshin disa deputetë, kjo është për të ardhur keq. Zotëri ku i keni idetë?
Ata kanë pasur eksperiencën e tyre, abuzimet e tyre dhe shqiptarët nuk i kanë besuar. Ato zgjedhje ishin legjitime. Te themi se jemi në kushtet për zgjedhje të lira e të ndershme, nuk jemi. Në 2009, ju bashkë me grupin e socialistëve e shitët Shqipërinë. Më thoni se ju keni arritur këto objektiva. A më thoni se pas kësaj marrëveshje, si në qoftë grupin parlamentar keni deputetë me të denjë seç keni pasur.
Unë nuk shikoj ndonje ndryshim tjetër. Kam shprehur se marrëveshja e fundit e opozitës parlamentare ështe për të ardhur keq, jam kundër bojkotit. Ne nuk mund të shkojmë në zgjehdhje duke bojkotuar, në një vend që kërkon të futet në BE. Duhet që palët të tregojnë vullnet për të zgjidhur këtë krizë.
Nuk mund të hedhim baltë mbi opozitën që është jashtë Parlamentit. Është e qartë se vendi ka humbur shpresën. Per çfarë jeni të vendosur? Që të bëni tendera pa konkurencë, për tu pasuruar për 7 breza të tjerë? Ku jemi ne sot? Është viti 2019, Shqipëria, sipas llogarive të mia duhet të ishte në BE. Të pranoni ftesën time, që ti jepni fund kësaj krize. Kemi pasur situata akoma më të vështira, dhe ne me vullnet të plotë duhet ta evitojmë këtë situatë. Duhet të tregojmë vullnet real”.
