Deputetja e Partisë Demokratike, Rudina Hajdari, ka përkujtuar ditëlindjen e babait të saj Azem Hajdari. Përmes një postimi në rrjetin social Facebook, ajo ka zgjedhur të përcjellë këtë mesazh:
“Sot në ditën e lindjes së tij kujtojmë me krenari dhe përulje kontributin dhe sakrificën e tij të pakufij për Shqipërinë dhe Kosovën”.
Kaq ka mjaftuar që menjëherë të shpërthenin një mori komentesh, ku theksi vihet tek djegia e mandatit. Deputetja demokrate Rudina Hajdari, deri më tani nuk e ka dorëzuar mandatin, duke mos iu bashkuar vendimit të grupit, e ndërsa vëllai i saj Kiri Hajdari ka qenë në një mendje me vendimin e Lulzim Bashës dhe opozitës së bashkuar.
Ai mori fjalën në protestën e fundit që opozita e bashkuar organizoi para Kuvendit, duke na treguar se është në mbështetje të aktit ekstrem të djegies së mandateve.
Nga ana tjetër e medaljes qëndrojnë qytetarët, ku i kanë kërkuar Rudina Hajdarit që të mos e tradhtojë të atin, e mbi të gjitha, të mos i shërbejë atyre që e vranë Azem Hajdarin.
