Deputetja Rudina Hajdari ka komentuar sërish zhvillimet e fundit politike, teksa ironizon dyshen Rama-Meta. Duke iu referuar qëndrimit këmbëngulës të palëve në fjalë që kanë sjellë tashmë përplasje në distancë mes Presidencës dhe Kryeministrisë, deputetja shkruan se qëndrimi ekstrem Meta-Rama është një sfidë personale dhe jo një qëndrim pro interesit të Shqipërisë.
“Çdo hap drejt acarimit të gjendjes dhe ekstremizimit të pozicioneve Meta-Rama nuk është asgjë tjetër veç se një sfidë personale dhe jo një qëndrim pro interesit të Shqipërisë”, shkruan shkurt Hajdari në Facebook.
Kujtojmë se pak ditë më parë, Hajdari sulmoi të dyja palët nga Kuvendit, teksa i kërkoi po ashtu llogari mazhorancës përse e kishte votuar Metën si president, ndërsa tha se ky i fundit është bashkëshorti i Kryemadhit e për pasojë ka konflikt interesi në vendimet që merr.
