Mandati i Rudina Hajdarit ende komentohet nga qytetarët e shumtë. Qytetarët ndahen në dy grupe. Ka nga ata të cilët e ofendojnë duke i thënë se nuk ka çuar deri në fund amanetin e të atit, por ekziston edhe një pjesë tjetër të cilët i japin mbështetjen e duhur.
Në postimin e saj të fundit, Rudina Hajdari njofton se ka mbajtur një takim me Ambasadoren e Gjermanisë në Tiranë, Znj. Sussane Schutz. Gjatë takimit në fjalë, ato kanë diskutuar për situatën në të cilën ndodhet vendi dhe institucionet shqiptare.
“Miqtë tanë Evropianë dhe Gjermanë janë tepër të shqetësuar për krizën politiko-institucionale në vend, ashtu sikurse është i shqetësuar çdo qytetar shqiptar. BE kërkon me të drejtë përgjegjshmëri të lartë dhe integritet nga politikanët shqiptarë, nga qeveria dhe opozita”, shkruan ndër të tjera Rudina në Facebook.
Si rrallë herë, ku postimet kanë qenë në të shumtën e rasteve ofenduese, një pjesë e qytetarëve janë të mendimit se ka ardhur koha që ajo të hedhë një hap me tej, duke krijuar një parti. Po kështu nuk kanë munguar mesazhet inkurajuese se duhet të drejtojë opozitën e re, për ti hapur rrugën Shqipërisë në BE.