E mërkurë, 27 Janar, 2021
2 C
Tirana

Vrau gruan me sqepar/ Djali: Kam parë tmerr me sy. Punonte ajo, për të ngrënë ai horri

Prokuroria i kërkon Gjykatës së Krimeve të Rënda 35 vite burg për Bashkim Mekollin, i cili akuzohet se vrau me sqepar bashkëshorten e tij në vitin 2017, Demirkë Mekolli.

Në lidhje me vrasjen e bashkëshortes, ai ka pasur qëndrim pohues duke e pranuar dhe është shfaqur i penduar gjatë procesit të zhvilluar te Krimet e Rënda, ndërsa akuzën e “Armëmbajtjes pa leje”, i dyshuari nuk e ka pranuar.

Ngjarja e rëndë ka ndodhur në një fshat të Pogradecit, ndërsa sipas Prokurorisë, e ka vrarë bashkëshorten e tij me sqepar, duke e goditur disa herë, pas një sherri, ndërsa pas krimit, në momentin që Policia ka kryer kontroll në banesën e tij, ka gjetur dhe sekuestruar një armë zjarri, e cila përdorej pa leje nga i pandehuri.

Ndërkohë, përsa i përket akuzave të ngritura më herët nëse autori i vrasjes vuan nga probleme të shëndetit mendor, janë rrëzuar nga akti i ekspertimit dhe kartela klinike nga Spitali i Pogradecit.

Dyshohet se shkak për vrasjen është bërë gjendja e dehur e Mekollit, i cili shpesh bëhej xheloz për të duke e keqtrajtuar më pas, pavarësisht se Mekolli njihej si një njeri i qetë dhe i respektueshëm në atë zonë.

Babai i të pandehurit, në një intervistë për “Panorama”, është shprehur se djali i tij ishte në depresion dhe se shpesh ka qenë i dhunshëm.

“Nusja ishte e mirë dhe e rregullt, por im bir ishte i sëmurë dhe s’kishim çfarë t’i bënim. Vite të tëra me atë gjendje dhe unë thuajse nuk flisja fare me të, sepse çdo herë e kthente në sherr. Ishte shumë agresiv, i dhunshëm dhe vetëm grindej, për vite të tëra kjo gjendje ka qenë”, ka thënë ai.

Gjithashtu, disa ditë pas vrasjes, reagoi dhe djali i viktimës në atë kohë 16 vjeç, Emiliano Mekolli, i cili nga Italia, kërkoi që babai i tij të dënohej me burgim të përjetshëm, në mungesë të një dënimi më të rëndë.

Lexo edhe :   U kap me armë pranë selisë së PS, prokuroria jep pretencën për Vladimir Gjutën

Në intervistë, ai rrëfen, se pasi i ati ishte kthyer nga emigrimi, dhuna ishte bërë një akt i vazhdueshëm, duke shtuar se me leket e fituara ne emigrim ai kishte blerë nja armë, me të cilin ushtronte presion ndaj tij dhe nënës së tij.

Lexo edhe :   U kap me armë pranë selisë së PS, prokuroria jep pretencën për Vladimir Gjutën

“Ai na dhunonte barbarisht të dyve dhe konsumonte alkool, 6 vitet e fundit kam parë tmerr me sy

Ajo më rriti me sakrificë dhe mbillte çdolloj lule natyrale për ta shitur. Punonte ajo, për të ngrënë ai horri aty”, u shpreh Emiliano.

Ndërkohë, ai ka rrëfyer edhe një moment të dhimbshëm për të, kur i pandehuri ka ushtruar dhunë ndaj nënës së tij dhe ata janë larguar nga shtëpia.

- Reklama -

Më shumë nga kategoria




Të fundit

Video/ Tension dhe përmbysje, Interi eliminon Milanin në minutën e 97-të

Interi triumfoi me rezultatin 2-1 ndaj Milanit, në derbin e vlefshëm për çerekfinalen e Kupës së Italisë, ku nuk mundoi as tensioni. Ibrahimoviç dhe Lukaku...

Skënder Brataj tregon numrin e personelit mjekësor të vaksinuar

Drejtori i Urgjencës Kombëtare, Skënder Brataj ka bërë me dije shifrat e personelit mjekësor që është injektuar me vaksinën anti-covid deri më tani në...

Shkel rregullat e rrjetit social, Twitter i mbyll llogarinë Genc Pollos

Platfotma Twitter i ka mbyllur llogarinë ish-deputetit të PD, Genc Pollo, për shkak se ky i fundit ka shkelur rregullat e rrjetit social. Lajmin e...

Haradinaj mesazh Serbisë: Do forcojmë policinë dhe ushtrinë e Kosovës

Kandidati për President në Kosovë, Ramush Haradinaj ka përcjellë një tjetër për fqinjët, Serbinë. Haradinaj u shpreh se Kosova nuk do e mbajë më kokën...

Kur lali Eri gjobit Ndrangheta-n

Nga: Dritan Hila Sapo kapën implikimin e tre personave italianë që bënin kështjella në rërë për biznese në Tiranë dhe ku përmendej edhe mafia kalabreze,...