Prej kohësh është përfolur për një divorc të mundshëm të Rudina Hajdarit. Por ish-deputetja ka zgjedhur që të flasë haptazi, duke konfirmuar këto zëra që kanë qarkulluar prej kohësh.
Ish-deputetja e Partisë Demokratike, Rudina Hajdari dhe Muçjo Demiraj kanë jetuar për shumë vite në SHBA, ku ajo ka kryer edhe studimet. Rudina la jetën në Amerikë, për të vijuar misionin që la pas i ati, Azem Hajdari në politikën shqiptare. Në studion e D-Night, Rudina Hajdari e konfirmoi se i ka dhënë fund martesës, por ruan një marrëdhënie shumë të mirë me ish-bashkëshortin.
“Unë jam shprehur vetë. E kam thënë vetë që kam patur vështirësi në këtë marrëdhënie. Nuk ka asgjë të keqe të flasësh hapur. Ne kemi patur fatin dhe priviliegjin që njihemi për kaq shumë kohë me njëri-tjetrin, dhe kemi një respekt të jashtëzakonshëm për njëri-tjetrin në thelb dhe për familjet tona dhe e gëzojmë këtë respekt të jashtëzakonshëm. Ja kemi transmetuar edhe gocës këtë respekt. Ruajmë një marrëdhënie shumë, shumë, shumë të mirë. Dhe jam me fat”, u shpreh ajo.
Kujtojmë se çifti janë edhe prindër të një vajze, 7-vjeçares Sihana.
