Ish ministri i Jashtëm Besnik Mustafaj, i ftuar në “News24” ka komentuar përjashtimin e Rudina Hajdarit nga Partia Demokratike, pas zgjedhjes që bëri kjo e fundit për të mos dorëzuar mandatin e deputetit.
Ai është shprehur se “Rudina Hajdari është në moshën që i lejohen gabimet”, dhe se “të bërit politikë” nuk është gjenetike, ndërsa gabimet janë dhe pjesë e mësimit.
“Hajdari është mbiemër i nderuar. Bërja politikë nuk është gjenetike. Ajo është në moshën kur i lejohen gabimet dhe gabimet janë pjesë e mësimit”, u shpreh shkurt Mustafaj.
Përsa i takon qëndrimi të ndërkombëtarëve për vendimin e PD në lidhje me djegien e mandateve, u shpreh se ishin të pritshme, por nuk e kupton se si i kërkojnë Bashës të tërhiqet pasi është një vendim që nuk ka kthim.
