Aktorja e njëkohësisht moderatorja e njohur Rudina Dembacaj, ka zbuluar se e kanë propozuar dy herë për deputete. Gjatë intervistës në emisionin “Why Not” në RTV Ora, ajo është shprehur se nuk e ka aspak me dëshirë që të aktivizohet në politikë.
Rudina ka shprehur keqardhjen për gjërat që kanë bërë politikanët, si nga krahu i majtë dhe i djathtë.
Roza Lati: A do kishe qejf të bëheshe deputete, apo ty vetëm të pëlqen politika?
“Që Marku është ish-deputet, kjo nuk do të thotë se më pëlqen politika. Unë nuk kam një dashuri të madhe për politikën, unë kam keqardhje shumë të madhe për gjëra që kanë bërë politikanët tanë. Kanë keqqeverisur edhe krahu i majtë edhe i djathtë. Nuk do doja të bëhesha deputete, unë kam pasur propozim dhe nuk kam pranuar. Kam patur propozim dy herë”.
