E martë, 2 Mars, 2021
2 C
Tirana

“Rrota e Ramës” në betejën për listat 100 për qind të hapura

Nga Mero Baze

Ka një mëdyshje të madhe në debatin e opozitës pas 30 korrikut. Askush nuk guxon të gjykojë sjelljen politike të Bashës dhe Metës për atë që ndodhi, por merren me faktin, a do ketë pasoja apo do ketë përfitime Edi Rama.

Edi Rama ishte i qartë në vendimmarrjen e tij. Ai plotësoi kërkesat e ndërkombëtarëve dhe Bashës më 5 qershor dhe thelloi reformën pas kërkesave të opozitës parlamentare më 30 korrik. Këtë e tha që pas 5 qershorit dhe nuk e ndryshoi kurrë.

Përkundrazi opozita ndryshoi dhe u tërhoq zvarrë pas tij. Fillimisht u distancua nga ndryshimet dhe i denoncoi ato, duke mobilizuar dhe lobistë të së djathës evropiane. Dhe mirë bëri.

Pastaj u kompleksua nga debati për hapjen e listave dhe filloi të sulmonte Ramën, “pse thotë do t’i hapim 70 për qind e jo 100 për qind”.

Edi Rama u vendosi një “rrotë” pa kuptim në skenë, si ajo historia e rregjisorit të famshëm shqiptar dhe ata filluan të merren me rrotën. “Rrota” ishte hapja e listave 70 për qind.

Aq shumë u entuziasmuan me “rrotën” e Ramës sa në fund vendosën të hyjnë në betejë për ta hequr nga skena.

Harruan që kishin premtuar distancë nga ndryshimi Kushtetutës, harruan që nuk donin të diskutonin për asgjë tjetër veç 5 Qershorit.

Dhe i dhanë Ramës dy armë të reja. Të drejtën për të folur përtej 5 qershorit, siç qenë listat e hapura dhe të drejtën për të ndryshuar Kushtetutën. Pas kësaj ai i thirri në Këshillin Politik të bisedonin, por Basha iku në Mitrovicë se do merrte një flamur nga fisi Boletini. Dy ekspertët e tij treguan se nuk e kishin seriozisht aksionin për listat dhe ishin të papërgatitur të flisnin për to, por e kishin inatin me atë 30 për qindshin e mbyllur në listat. Pra me “Rrotën” e Ramës.

Lexo edhe :   Albin Kurti ka në dorë vetëm të refuzojë njohjen nga Izraeli

Më 30 korrik Rama e hoqi “rrotën” nga skena. Listat u hapën në Kushtetutë deri 100 për qind. U miratua dhe tipi koalicionit me një listë të përbashkët.

Opozitës ju plotësua dëshira për lista të hapura dhe dëshira për të prekur Kushtetutën. Edhe Ramës ju plotësua një dëshirë që kishte.

Tani opozita nuk duhet ta mbajë debatin hapur bazuar tek reagimet e të tjerëve. Aq më keq, që edhe reagimet e Parlamentit Europian e Bundestagut ishin kundër tyre. Por dhe sikur ti kishin pro nuk u bënin punë.

Lexo edhe :   Blerja e votës? Rama nga Brukseli: 20 persona po hetohen nga Prokuroria

Ata duhet të debatojnë njëherë për strategjinë me të cilën dështuan njësoj si një vit më parë me mandatet dhe 30 qershorin. Nëse ka debat real brenda opozitës është pikërisht paqartësia me të cilën ata përballen me Edi Ramën dhe dështojnë. Pastaj Meta kërcënon me kryengirtje, Luli me trupin si postabllok.

Nëse nuk kanë guxim të flasin çfarë bënë, dhe mund të heshtin. Nuk është strategji e keqe heshtja në këtë rast. Ja për shembull, Doktor Berisha është bërë i urtë si qengj këtë ditë Kurbani. Duket që ja ka frikën Lulit, që mund ti bëjë kurban PD për “rrotën” që u vuri Rama në skenë.

- Reklama -

Më shumë nga kategoria




Të fundit

Covid-19/ Brataj: Treguesit janë brenda normave, ora e darkës ishte e tmerrshme

Shefi i Urgjencës Kombëtare, Skënder Brataj, ishte i ftuar këtë të hënë në A2 nga ku foli për situatën e pandemisë në vendin tonë...

Kryemadhi: Do denoncoj me fakte si Rama manipuloi zgjedhjet e 2017-ës

Kryetarja e LSI-së, Monika Kryemadhi ka bërë një deklaratë të fortë në emisionin “Opinion”, pasi u shpreh se brenda 2 ditësh do të denoncojë...

Kryemadhi: Me marrëveshjen e sotme, Rama nuk del as i katërti në zgjedhje

Kryetarja e LSI-së Monika Kryemadhi është shprehur se marrëveshja e sotme e nënshkruar mes PD-së dhe LSI-së, i ka hequr të drejtën Ramës për...

Berisha: Basha do të marrë 25-26 mandate në Tiranë

Ish-kryeministri Sali Berisha beson se kryetari i Partisë Demokratike, Lulzim Basha do marrë më shumë vota se ai vetë kur drejtonte këtë forcë politike. I...

Mbërrijnë mbi 15 mijë doza nga Pfizer, Rama: Bëni durim

Mbrëmjen e sotme mbërritën 15 mijë e 210 doza të vaksinës anti-covid nga kompania Pfizer. Pasi fillimisht Ministria e Shëndetësisë deklaroi se u shty ardhja...