Bilanci nga koronavirusi po rëndohet mjaft në Greqi, teksa mëngjesin e sotëm janë shënuar edhe 2 viktima të tjera.
Sipas mediave greke, bëhet fjalë për një 42-vjeçar në spitalin Ahepa në Selanik dhe një 81-vjeçare në spitalin Evangjelizmos në Athinë.
Shkon kështu në 81 numri total i viktimave nga koronavirusi në shtetin fqinj. Kujtojmë se ditën e djeshme u raportuan 6 viktima në Greqi, në bilancin e 24 orëve.
Deri më tani në Greqi janë regjistruar 1,755 raste infektimi. Mësohet se 269 pacientë janë shëruar nga COVID-19, ndërsa 90 persona ndodhen në gjendje kritike për jetën.
