Italia ka regjistruar një rritje të rasteve me koronavirus, në krahasim me një ditë më parë.
Sipas autoriteteve shëndetësore, në 24 orët e fundit janë shënuar 289 raste të reja, ndërsa dje u shënuan 181 raste. Kështu shkon në 246.777 numri total i rasteve të regjistruara që prej shpërthimit pandemisë.
Ndërkohë, gjatë 24 orëve të fundit janë shënuar 6 viktima, në krahasim me 11 që u shënuan dje. Deri më tani, në vendin fqinj janë regjistruar më shumë se 35 mijë viktima nga pandemia.
Në Rajonin e Lombardisë sot u raportua për zero viktima nga koronavirusi, për një total prej 16 802 vdekje, si edhe 46 raste të reja të pozitivitetit Covid, (dje ishin 53), shifër që e rrit në 96 054 numrin e të infektuarve që nga fillimi i pandemisë në Itali.
