Ish-oficeri i Antidrogës, Dritan Zagani, ka reaguar në lidhje me zhvillimin më të fundit ku një avion i vogël privat ka kryer ulje të detyruar në Vermosh. Pas uljes së detyruar të aionit, si shkak i defekteve gjatë fluturimit, një fuoristradë e bardhë ka ardhur dhe ka marrë dy personat që gjendeshin në të.
Ende nuk ka informacione zyrtare nëse në avionin e dyshimtë, pa asnjë shenjë identifikimi, kishte lendë narkotike, apo sende të kundraligjshme. Ky rast të sjellë në vëmendje ato të avionëve të rënë në Durrës dhe Lushnje, ku u zbulua se po përdoreshin për trafik kanabisi.
E madje Zagani jep sinjalet se me gjasë, diçka e tillë ka ndodhur. “He ta haje dreqi ta haje..se na kishte marre malli per nje nga keto mushkonjat e Saliut”, shkruan ai bashkëngjitur një fotoje.
