Politikë

Rrezikon mandatin, flet ish-aleati i Bashës: Jam shpallur i pafajshëm

               Publikuar në : 18:44 - 19/05/19 S.N

Kryetari i partisë së pensionistëve të Shqipërisë, Selami Jenishehri rrezikon mandatin e deputetit, vetëm pak ditë pasi u betua në Kuvend.

Kjo pasi deputeti ka fshehur në formularin e dekriminalizimit një dënim të marrë në vitin 2001, kur ishte dënuar me 8 muaj burg me akuzën për tjetërsim pronash.

I kontaktuar nga Report Tv, Jenishehri ka pranuar se është dënuar nga Gjykata e Shkodrës për akuzën e tjetërsimit të pronave, por se e ka apeluar këtë vendim, të cilin më pas e ka fituar në Gjykatën e Lartë. Ai e argumenton se nuk e ka deklaruar në formular pasi është shpallur i pafajshëm para 10 viteve, ç’ka sipas tij nuk përbën një mashtrim.

“Jam akuzuar për vjedhje dhe mashtrim dhe kam marrë pafajësinë në Gjykatën e lartë. S’jam akuzuar kurrë për vjedhje në Itali. Absurditete dhe çuditem kur i dëgjojë. Kam plotësuar formularin, i cili thotë se lejohet të kandidosh nëse dënohesh 2 vjet dhe kanë kaluar dhjetë vjet. Unë deklaroj që asnjëherë në jetën time nuk i kam vjedhur askujt asnjë pronë”, tha Jenishehri për Report Tv.

Kreu i partisë së pensionistëve të Shqipërisë mori mandatit e deputetit të enjten e kaluar dhe vjen nga lista e Partisë Demokratike në Shkodër, i cili arriti të siguronte një karrige në Parlament pas djegies në bllok të mandateve nga PD-LSI.

Kthehu
WhatsApp Denonco ne TT