Në mbledhjen e sotme të qeverisë, kryeministri Rama ka folur sërish për situatën aktuale. Ai ka bërë me dije se në datë 19 dhjetor do të prezantohet ligji i ri i posaçëm për rindërtimin. Kryeminstri Rama i ka kërkuar komisionit të ligjeve dhe ministres së Drejtësisë që të përgatisin ligjin brenda afatit që ai ka dhënë.
“Së pari Ferhati në emër të komisionit të ligjeve, Etilda dhe Edlira nga kryeministria duhet të çojnë përpara procesin dhe të kenë draftin e ligjit të posaçëm për rindërtimin. E di që është koha e shkurtër. Por objektivit është që në datën 19 në seancën e fundit ne të çojmë ligjin e posaçëm për rindërtim me gjithë parametrat. Është shumë e rëndësishme që të kemi një ligj të posaçëm për rindërtimin. Mendoj që rindërtimin duhet ta koordinojë si agjenci Fondi Shqiptar i Zhvillimit”, u shpreh Rama.
Si i zbuloi qeni hero personat e gjallë nën rrënojat në Durrës
Kryeministri tregoi edhe një pjesë të agjendës së tij për sot. Kreu i ekzekutivit do të niset drejt Bratislavës për marrjen presidencës së OSBE-së. Ndërsa ditën e nesërme do të jetë në Turqi, ku pritet të organizohet tavolina e parë me donatorët e vendeve islamikë për Shqipërinë të dielën.
“Shqipëria merr presidencën e OSBE-së dhe duhet të shkoj sot në Bratislavë për të marrë detyrën. Pastaj nesër do shkoj në Stamboll në takimin e madh që ka organizuar presidenti me donatorë e biznesmenë, ndërkohë që po përgatitemi dhe për konferencën e donatorëve të rajonit verilindor. Unë i kam thënë besoj do kthehem me çadra me vete. Por të kemi parasysh organizimin e gjithë kësaj logjistike. Ka vlerë të madhe për të qenë pjesë e gjithë logjistikës sonë tonë në vijim”, tha kreu i qeverisë.
