Ashtu siç ka ndodhur ditët e fundit, edhe sot pritet të jetë me reshje shiu në të gjithë territorin e vendit. Sot (e diel dt.14) priten reshje të dobëta, deri lokalisht mesatare në qarqet Kukës, Dibër, Elbasan, Berat, Korçë dhe Vlorë. Ekziston mundësia që në zona të kufizuara të qarqeve gjatë pasditeve, reshjet të jenë në formë shtrëngate me kohëzgjatje të shkurtër, më të mundshme në terrenet malore (dhe ato pranë tyre). Në ZONA SHUMË TË KUFIZUARA reshjet mund të shoqërohen edhe me rrufe dhe breshër.
TEMPERATURAT
Sot(e diel dt.14) temperaturat minimale dhe maksimale të ajrit pritet të arrijnë:
në bregdet: 10 / 15 °C
në vendet e ulëta: 9 /16 °C
në vendet malore: 3 / 11 °C
ERA
Sot (e diel dt.14) ajo pritet të fryjë e lehtë deri mesatare, kryesisht në bregdet dhe zonat malore të territorit.
