Një njeri në kushtet e saj, do të kishte vdekur me kohë. Megjithatë amerikania Rose Marie Bentley, pronare e një dyqani ushqimor për kafshët, vdiq në tetor 2017 nga shkaqe natyrale, kur ishte 99-vjeç. Rose jetoi pa e ditur se organet e saj ishin vendosur në anën e gabuar të trupit, për shkak të një gjendjeje të rrallë kongenitale të quajtur “situs inversus levocardia”.
Kjo anomali, zbulua nga studentët e anatomisë në Universitetin e Oregonit. Mjekët u habitën sesi Bentley arriti të jetonte kaq gjatë dhe shëndetshëm, pavarsisht nga gjendja e saj. Mëlçia, stomaku, dhe organet e tjera abdominale kishin kaluar nga e djathta në të majtë, dhe vetëm zemra e saj ndodhej në vendin e duhur. Kjo dukuri vërehet tek 1 në rreth 22.000 lindje.
Ndërkohë vetëm 1 në 50 milionë të lindur me këtë gjendje të veçantë, mund të jetojnë deri në moshë madhore. Pasi kjo anomali mund të sjellë shqetësime kërcënuese për jetën, siç janë edhe defektet e lindura të zemrës. Deri tani, njiheshin vetëm 2 raste të tjera me këtë gjendje, që kanë jetuar mbi 70 vjeç./ TIRANA TODAY