Kryeministri Edi Rama ka publikuar pamjet nga reparti i pediatrisë në Spitalin Rajonal të Beratit. Rama shkruan se ky spital ka rilindur pas vitesh të tëra degradimi, duke u shërbyer me standarde optimale për kujdesin e pacientëve.
“Sapo vjen, prezantohesh me shërbimin e pediatrisë. Ky shërbim është i rikonstruktuar, pothuajse e gjithë kjo hapësirë ka qenë e mbyllur dhe ka pasur 2 dhoma gjithsej. Tani është bërë i plotë, kemi recepsionin ku paraqiten të sëmurët.
Të marrin informacion për çdo mjek. Nuk kemi pasur dhomë vizitash, ndërsa tani e kemi bërë. Kemi dhomën e konsultave të mjekut pediatër. Nëse do të keni qenë në spitalin e vjetër, do shihnit si ka ndryshuar edhe nga ana funksionale.
Kjo hapësirë është ribërë nga e para, e përshtatshme për shërbimin e urgjencës për fëmijët një ditore. Këtu është volumi kryesor i punës.
Urgjenca është e pajisur me oksigjenin, fëmija po të ketë probleme e merr ndihmën në urgjencë. Të sëmurët rëndë shtrohen në repartin e terapisë intensive. Kemi dhomat e shtrimit me shtretër të rinj”, tha mjeku.
Statusi
MIRËMËNGJES
dhe me këtë vizitë tek reparti i pediatrisë në Spitalin Rajonal të Beratit, që ka rilindur pas vitesh të tëra degradimi, duke u shërbyer me standarde optimale vogëlushëve në nevojë për kujdes shëndetësor, ju uroj një ditë të mbarë
