Një dimër i dytë është për Peshkopinë, duke zbardhur të gjithë zonën. Shqipëria është zgjuar mes reshjeve të dëborës dhe motit me shi.
Paraditen e sotme, trashësia e borës në qytetin e Peshkopisë ka arritur në 19 cm.
Ndonëse u duk që dimrit i erdhi fundi, kemi gabuar! Dita e mërkurë do të jetë me reshje shiu në të gjithë vendin, me intensitet deri mesatar. Lokalisht reshje në formë shtrëngate.
Reshjet e borës do të rikthehen përsëri deri në lartësinë mbi 300 m me intensitet deri mesatar. Në Alpe reshjet do të jenë edhe në formën e stuhive të dëborës.
Kjo situatë do të shoqërohet edhe me erë hera-herës të vrullshme nga kuadrati i veriut, me shpejtësi deri në 20-25m/s.
