Presidenti Ilir Meta ka zhvilluar sot një takim me presidentin e Federatës Shqiptare të Futbollit, Armand Duka.
Përmes një postimi në Facebook, Meta tregon se Duka e ka njohur me protokollin sanitar të përgatitur nga ekipi mjekësor i FSHF-së, sipas udhëzimeve të UEFA-s, për rifillimin e aktiviteteve futbollistike.
Kreu i shtetit shprehet besimplotë se edhe Shqipëria do t’i kthehet jetës futbollistike dhe sportive shumë shpejt, siç kanë bërë edhe vendet e tjera.
Postimi i plotë:
Kënaqësi të prisja sot Presidentin e Federatës Shqiptare të Futbollit, z.Armand Duka, i cili më njohu me protokollin sanitar të përgatitur nga ekipi mjekësor i FSHF-së, sipas udhëzimeve të UEFA-s, për rifillimin e aktiviteteve futbollistike sa më parë të jetë e mundur.
Besoj se me përpjekje dhe mirëkuptim, ashtu si edhe në shumë vende të tjera, edhe ne t’i rikthehemi në kushtet e reja dhe me protokollin e duhur sanitar, jetës futbollistike, por edhe sportive në vend.
Nuk ka vaksinë më të mirë për mbrojtjen e shëndetit se sa sporti. 
??
