Prej ditësh tashmë vijon operacioni për riatdhesimin e shqiptarëve të bllokuar jashtë kufijve, për shkak të situatës së krijuar nga pandemia e koronavirusit.
Pasditen e sotme ka mbërritur në aeroportin e Rinasit avioni me 129 shqiptarë të cilët janë riatdhesuar nga shteti i Francës.
Riatdhesimet në vendin tonë, vijojnë që prej ditës së shtunë ku fillimisht nisën me Stambollin e Romën e më pas me Milanon, Barin e Frankfurtin.
Të gjithë të riatdhesuarit dërgohen me autobusë në hotelet karantinë në Durrës për 14 ditë, ku ruhen nga forcat e armatosura që të mos dalin nga dhomat e tyre.
Nuk ka ende data të reja se kur dhe ku do të realizohen fluturimet e ardhshme për riatdhesimin e shqiptarëve. Kujtojmë se ditën e djeshme është bërë i mundur riatdhesimi i shqiptarëve nga Anglia.
