Presidenti i zgjedhur i Republikës, Ilir Meta, është shprehur mjaftë i revoltuar për situatën politike të krijuar kohët e fundit në vend.
Ai tha se vendimi për president, u mor për të shpëtuar vendin nga kriza.
Gjithashtu , Meta u shpreh se Rama dhe Basha kanë bërë një marrveshje pas shpinës së tij për hesap të tyre.
“Nga 24 korriku populli shqiptar do të më gjykojë dhe vlerësojë se si po sillem për përgjegjësitë që ka pres i republikës. Unë nuk kam kërkuar dhe as kisha planifikuar të zgjidhesha President i Republikës. U zgjodha për shkak të krizës. Mua më ka çuar përgjegjësia ndaj vendit, për të shpëtuar në krizën e një krize legjitimitetin e institucionit të Presidentit. Pasi e pritëm PD-në me insistimin tim për 3 raunde, ishim në kushtet kur ose do zgjidhje një kandidat i PS-së ose i LSI-së ose do shkonim në zgjedhje pa opozitën”, theksoi Presidenti i zgjedhur.
Sakaq, Meta ka hedhur akuza të forta kundër Ramës dhe Bashës, duke thënë, se të dy po shkelin standardin e zgjedhjeve në vend, dhe se ata, po përdorin policinë në kurriz të LSI-së.
“Zoti Basha përfaqëson Rilindje, më mirë se ndonjë socialist tjetër. Nuk jam i zëmëruar me të, s’kam asnjë problem me zotin Basha dhe Rama. Kam një problem me standardin e zgjedhjeve në Shqipëri, me përpjekjen e pandershme të këtyre individëve janë bere bashkë kundër standardit të zgjedhjeve
Basha dhe Rama kanë formuar një Task-Forcë ku shkelin Ligjin më keq se gazztapo. Dua të them se kjo Task-Forcë po shkel ligjin e nëpunësit civil dhe shume ligje të tjera. Nuk është përfshirë LSI-ja apo Parti të tjera .
Kishim të bënim më një frikë të Bashës për të ardhmen politike në Partinë Demokratike dhe një Frikë të Ramës për tu futur i vetëm në zgjedhje. Ata kanë frikë nga e vërtëta dhe situata në terren. Ata mendojnë se vota merret duke marrë kë. Policinë e Shtetit, policinë e drogës e kanë kthyer në politikisht të tyren dhe po e përdorin kundër njerëzve të LSI-së”,-tha Meta në emisionin “opinion”.
