Eurodeputeti dhe reporteri i Shqipërisë në BE, David Lega, ka uruar sot kreun e PD-së Lulzim Basha për 31-vjetorin e themelimit të kësaj force politike.
Me anë të një postimi në Twitter, Lega thekson se Partia Demokratike ka luajtur një rol të rëndësishëm në arenën politike në Shqipëri.
“Urimet më të ngrohta për 31 vjetorin e themelimit të Partisë Demokratike të Shqipërisë dhe kryetarit Lulzim Basha. Partia Demokratike ka luajtur një rol të rëndësishëm në arenën politike në Shqipëri, dhe duhet të mbetet e bashkuar dhe e fortë”, shkruan Lega.
Hapjen e Kuvendit të Sali Berishës e bëri kryetari i Këshillit Kombëtar të PD-së, Edi Paloka. Më pas u zgjodh Komisioni, që do të drejtojë punimet dhe që kryesohet nga Belind Këlliçi.
Emrat e Komisionit që do të drejtojë punimet e Kuvendit:
Belind Këlliçi-drejtues
Albana Vokshi
Ervin Minarolli
Ivi Kaso
Edmond Spaho
Sekretariati
Minushe Lazaj
Nade Daullja
Ledio Nuraj
Belind Këlliçi u shpreh se do të jenë 72 përfaqësues të zgjedhur, për të verifikuar të gjithë delegatët përmes kodit unik.
“Sekretariati teknik do të kryejë verifikimin e të gjithë delegatëve përmes kodit unik, përmes teknologjisë që mundëson në kohë reale pjesëmarrjen e delegatëve për transparencë të plotë”, tha ai.
