Albana Fico, Drejtore e Institutit të Shëndetit Publik tha se në këtë institut janë të gjitha kapacitetet për të përballuar situatën e koronavirusit.
Në një prononcim për mediat, ajo bëri një apel të përsëritur për masat e higjienës personale.
Fico kërkoi nga qytetarët që të ndërgjegjësohen, dhe të lajnë duart më shumë se 20 sekonda.
Po kështu të përdorin dezinfektantët, facoletën pas kollitjes dhe teshtimave. Po kështu, me mjaft rëndësi është distancimi në një ambient me shumë njerëz.
“Larjen e duarve më shumë se 20 sekonda, përdorimin e dezinfektantëve, respektimin e higjienës respiratore, përdorimin e facoletës, pas kollitjes dhe teshtimave. Dhe pasi e përdorim ta hedhim në kosh me kapakë të mbyllur.
Të zbatojmë rregullin e distanimit social, por të gjithë jemi të informuar që një nga mënyrat e përhapjes janë spërklat në kontakte direkte dhe jo e ajrit”, tha Fico.
