Rekord i zi: Mbi 600 të infektuar me koronavirus në 24 orë

Shqipëria regjistron një tjetër rekord sa i takon të rasteve të reja me Covid-19 në 24 orët e fundit.

Ministria e Shëndetësisë informon se 602 persona rezultuan pozitivë, shifra më elartë e regjistruar që nga fillimi i pandemisë.

Rezultatet e të infektuarve vijnë nga kryerja e 2.241 testeve, prej të cilave 155 janë testime janë kryer për arsye depistimi.

Ndërkohë, 8 qytetarë nuk arritën ta fitonin betejën me virusin.

Aktualisht në 3 spitalet COVID, po trajtohen 406 pacientë.

Rastet pozitive të konfirmuara në 24 orët e fundit janë identifikuar në këto bashki:

249 raste në Tiranë, 47 raste në Gjirokastër, 38 raste në Lushnje,

30 raste në Fier, Korçë, Kavajë, 27 raste në Vlorë, 24 raste në Berat,

20 raste në Elbasan dhe Librazhd, 18 raste në Kukës, 16 raste në Përmet,

12 raste në Lezhë, 7 raste në Pukë dhe Kuçovë, 6 raste në Devoll, Mat, Dibër,

3 raste në Sarandë, 2 raste në Pogradec, 1 rast në Krujë, Tropojë, Bulqizë, Kolonjë.

Viktima – Në 24 orët e fundit, kanë humbur jetën 8 qytetarë me Sars-Cov2 pozitiv në spitalet COVID: një 48 vjeçare, një 71 vjeçar, 74 vjeçar, një 85 vjeçar nga Tirana, një 60 vjeçar nga Mirdita, një 60 vjeçar nga Kurbini, një 63 vjeçar nga Gramshi, një 71 vjeçar nga Durrësi.

Të shëruar – Në 24 orët e fundit janë shëruar 564 qytetarë të cilët kanë plotësuar karantinimin 14 ditor, sipas të dhënave të Operatorit Qendror të Kujdesit Shëndetësor. 13.453 qytetarë e kanë fituar betejën me virusin që nga fillimi i epidemisë.

Të shtruar në spitale – Aktualisht në 3 spitalet COVID, po trajtohen 406 pacientë, 14 në terapi intensive, nga të cilët 3 të intubuar.

COVID-19 – Statistika (16 Nëntor 2020)

Raste të reja ditore 602

Të shëruar ne 24 orë 564

Të shtruar në spitale 406

Humbje jete në 24 orë 8

Testime ditore 2,241

Testime totale 157,891

Raste pozitive 28,432

Raste të shëruara 13,453

Raste Aktive 14,348

Humbje jete 631