Kush nuk paguan detyrimet tatimore, i shitet biznesi

Ministria e Financave, përmes një urdhëri të posaçëm ka saktësuar dhe sekuestrimin apo shitjen e pasurive të bizneseve që nuk kanë mundësi të shlyejnë detyrimet.

Po ashtu, sipas kësaj procedure nëse të ardhurat janë të pamjaftueshme kundrejt shumës që duhet paguar, atëherë detyrimi do t’u kalojë aksionerëve.

Një vendim i tillë ka sjellë pakënaqësi te investitorët duke e cilësuar antiligjor. Sipas kreut të Dhomës së Tregtisë dhe Industrisë në Durrës, Alban Isteri, Drejtoritë Rajonale Tatimore do të dalin mbi rolin e gjykatave.

“Pika që ne na shqetëson është pika ku nënvizohet që të gjithë administrata tatimore, mund të sekuestrojë të gjitha llogaritë bankare, qoftë edhe personale të individëve të caktuar”, shprehet Isteri.

Sipas tij, me këtë udhëzim shkelen të drejtat që garanton kushtetuta.