Antonio (Toni) Balabani, vjen nga Kosova dhe është mbrojtës anësor i vitit të pestë në Universitetin e Miçiganit Perëndimor. Shpëtoi nga lufta e Kosovës në vitin 1999, i detyruar të largohej nga fshati i tij pranë Vitisë, dhe arriti në Shtetet e Bashkuara së bashku me familjen e tij dhe po jeton ëndrrën amerikane.
“Ne jemi popull shumë krenar. Shqiptarët duan të shohin shqiptarët e tjerë të kenë sukses,” thotë Balabani për Battle Creek Enquirer.
Trajneri i tij thotë se Balabani është gjithmonë pozitiv.
“Ai i bën njerëzit përreth tij më të mirë. Ai është gjithmonë pozitiv. Nëse e di nga ka ardhur, e kupton. Nuk mund ta bësh atë djalë të jetë në humor të keq. Është e pamundur,” thotë kryetrajneri i ËMU Tim Lester.
Toni është shumë krenar.
“Jam shumë krenar që jam këtu. Shumë krenar që jam Amerikan dhe që jam Shqiptar. Shpresoj që mund t’i bëj shqiptarët në gjithë botën krenarë dhe ne, si skuadër futbolli, mund të bëjmë gjithkënd krenar,” thekson ai.
Balabani i papërkulshëm ka bërë emër si një nga goditësit më të fortë të Broncos. Në dhjetor, do të diplomohet me shpresë që të kthehet përfundimisht në Detroit dhe të punojë për një nga tre kompanitë e mëdha të automobilëve.
