Presidenti Ilir Meta deklaroi se nuk paragjykon asnjërën palë sa i përket reformës zgjedhore. Në fjalën e tij gjatë konferencës për mediat, Meta tha se uron që palët t’i qëndrojnë marrëveshjes pasi sipas tij vendi është në një situatë kritike.
“Qëndrimet e presidentit i kam bërë të qarta prej kohësh dhe nuk paragjykoj çfarë do të bëjë njëra palë dhe pala tjetër. Uroj që palët t’i qëndrojnë marrëveshjes që kanë nënshkruar. Jemi në një situatë kritike dhe për legjitimitetin e institucioneve, në radhë të parë të Kuvendit. Shpresoj të kemi reflektim të shpejtë dhe të ecim drejt zgjedhjeve të lira dhe të ndershme sepse nuk ka rëndësi veç reforma, zgjedhjet e ardhshme do të jenë në monitorim të rreptë ndërkombëtar”, tha ai.