Pas takimit me Opozitën Parlamentare, kryeministri Edi Rama është shprehur se nuk kanë arritur që të gjejnë një gjuhë të përbashkët.
Kreu i Qeverisë theksoi se duhet tryezë trepalëshe.
“Mazhoranca është gati që të formulojë një formulë për hapjen e listave. Opozitat të merren vesh me njëra-tjetrën. E para kemi nevojë për një marrëveshje të gjerë në Kuvend, shumë përtej asaj që kemi.
E dyta, PS nuk do të angazhohet në proces kapjeje të një vote këtu e një atje, për një ligj kaq të rëndësishëm.
Kam një mesazh: Është e vërtetë që një shumicë dërmuese duan të kenë më shumë zë në proces. Kjo është mëse e qartë. Natyrisht në një proces ku jemi të vendosur të ecim kështu siç jemi, për ne ka shumë rëndësi zgjerimi i aleancës me njerëzit. Por marrëveshja është një pengesë e madhe për anën tjetër, për deputetet aktualë të opozitës dhe ata duhet të pajtohen me idenë që këtë pengesë duhet ta kapërcejnë”, tha Rama.
