Avokati i njohur, Spartak Ngjela deklaroi se tashmë që kanë kaluar 5 vjet nga miratimi i Reformës në Drejtësi, pret që të hetohen politikanë që kanë qenë në pushtet. Deklarata e Ngjelës u bë ditën e sotme në rubrikën ”Opinion” në News24.
Sipas tij, kjo reformë do të godasë fililimisht politikanë nga rradhët e Partisë Socialiste, pasi kjo forcë politike është aktualisht në pushtet. Por, ai shtoi se nuk përjashtohet mundësia që hetimet të fillojnë edhe nga politikanë të Partisë Demokratike, që kanë pasur poste në qeveritë e mëparshme.
Ndër të tjera, Ngjela u shpreh se varfëria e popullit shqiptar, është provë e korrupsionit të madh shtetëtor, dhe nëse nuk do të kishte korrupsion, Shqipëria do të kishte nivelin e Zvicrës.
Spartak Ngjela: ”Unë pres të zbatohet Kushtetuta e re. Nëse e lexoni dhe ligjet, të gjithë politikanët që kanë qenë në pushtet duhet të kalojnë në kontroll penal. Kalimi në kontroll veitngu me padi penale. Mendoni se ka ndershmëri? Këta kanë ardhur me këpucë Gjirokastre dhe kanë bërë pallate. Këta pse janë të shqetësuar? Politika amerikane ka deklaruar që SPAK e drejtojmë ne. Majtas do të fillojë pastrimi anti-korrupsion, se ata janë në pushtet. Në rastise do të fillojë djathtas, ka shenja të këqija për anti-reformë sepse duket sikur mazhoranca po i bie opozitës. Është doktrinë e Napolon Bonapartit. Nëse ka prova t’u merret pasuria. E shikoni varfërinë aktuale? Është provë e korrupsionit shtetëror. Nëse s’do të ishte ky korrupsion galopant, në pak vite Shqipëria do të kishte nivelin e Zvicrës. Është marramendëse shuma shërbimet që po na ndihmojnë. Që të konfiskohen ato duhet vendim gjyqësor, a do të fillojnë? Nuk e di.
