Ministri në detyrë i Tregtisë dhe Industrisë, Endrit Shala ka mohuar se ka sulmuar fizikisht gazetarin e portalit “indeksonline”, Ensar Ramadanin.
“Së pari nuk e kam sulmuar gazetarin. Ka qenë një konflikt më shumë verbal, në një rast të caktuar pas një ndërhyrje tragjike në Qendrën Klinike Universitare… Nuk e kam ditur që është gazetar për arsye se personi nuk ka pasur as bexh as nuk ka pasur asgjë që me identifiku si gazetar”, ka thënë Shala për “Kallxo.com”.
Kujtojmë se Ramadani ka thënë se ministri Shala e ka goditur atë në QKUK, pasi ai ka refuzuar t’ia japë telefonin.
